Jf. kommunal planstrategi for Nord-Fron blir det varsla om oppstart av planarbeid for kommunedelplan for Vinstra. Samtidig blir planprogram lagt ut til offentleg ettersyn og høyring, jf. vedtak i sak 21/23 (PDF, 65 kB), 1.03.2023 i utval for miljø, landbruk og areal (MLA) .
Bakgrunn
Formålet med planarbeidet er å ha fokus på vidare utvikling av Vinstra ved å følgje opp mål og strategiar frå tettstadprosjektet Vinstra 2046. Sentrale tema å vurdere er blant anna bustad- og næringsareal, sett opp mot demografisk utvikling. Andre tema og planar som er under arbeid og som er relevant for denne planen er skulestruktur, trafikksikkerheitsplan, helseplan og klimaprosjekt, i tillegg til gang-/sykkel, grønstruktur og sentrumsformål. Det er også behov for å gå gjennom eldre reguleringsplanar og retningsliner og føresegner.
Høyring og offentleg ettersyn av planprogram
Planprogrammet tek for seg rammer for arbeidet med kommunedelplanen, og skal gjere greie for bakgrunn, formål og omfang, utgreiingstema, samt organisering og opplegg for medverknad.
Forslag til planprogram er lagt ut nedanfor, saman med kartutsnitt som viser avgrensinga av planområdet.
Innspel til innhald og prosess i planprogrammet og arealbruk/arealtema sendast på e-post til post@nord-fron.kommune.no eller brev til Nord-Fron kommune, Nedregate 50, 2640 Vinstra innan 4.05.2023