Søskenmoderasjon
Dersom du har fleire barn i barnehagen samstundes, blir det gjeve søskenmoderasjon på barnehageopphaldet. For barn nr. 2 er det 30% moderasjon og for barn nr. 3 er det frå 1.8. 2023 gratis barnehageplass.
Søskenmoderasjon gjeld uavhengig av om barna er i ulike barnehagar (private eller kommunale).
Denne moderasjonen blir gjeve automatisk, du treng ikkje søkje om dette. Det er ein føresetnad at det er same fakturamottakar som er registrert på barna.
Det er ikkje søskenmoderasjon ved tilfeldig kjøp av opphald i barnehagen, eller kostnader knytt til mat.
Søsken defineres som helsøsken og halvsøsken, stesøsken blir ikkje rekna søsken i denne samanhengen. Fosterbarn blir rekna som søsken.
Reduksjon etter 6% regelen
Etter søknad vil det bli gjeve reduksjon i foreldrebetalinga slik at betalinga per barn utgjer maksimalt seks prosent av husholdninga si samla inntekt, dersom:
- maksimalgrensa for foreldrebetaling for eitt barnehageår utgjer meir enn seks prosent av husholdninga si inntekt det siste året eller,
- det er ein varig nedgang i inntekta til hushaldninga i inneværende år som gjer at foreldrebetalinga for eitt barnehageår utgjer meir enn seks prosent av husholdninga si inntekt.
Frå 1. august 2025 kan familiar med ei samla årsinntekt på under 128.333 kr. søkje om dette.
Gratis kjernetid
Etter søknad kan det for 2-, 3-, 4- og 5-åringar og barn med utsett skolestart, bli gjeve 20 timer gratis opphaldstid i barnehagen per veke.
Denne gratis kjernetida blir trekt ifrå uavhengig av størrelsen på barnehageplassen til barnet.
Denne retten gjeld frå oppstart av barnehageåret. Det betyr at det gjeld årskulla som har dei fire siste åra i barnehage, i tillegg til barn med utsatt skolestart.
Frå 1. august 2025 kan familiar med ei samla årsinntekt på under 669.050 kr. søkje om dette.