Det er konsulentfirmaet Areal + AS på vegner av Skåbu fjellgrend As som har utarbeida planforslaget. Planforslaget legg til rette for fritidsbustader med tilhøyrande infrastruktur sentralt i Skåbu. Tilkomst er planlagt via Austlivegen.
Ved fyrste offentlege ettersyn hausten 2023, fremja Norges vassdrags- og energidirektorat, Statsforvaltaren i Innlandet og Innlandet fylkeskommune motsegn til planforslaget. Motsegnene var grunngjeve med omsynet til flom/overvatn, samt kulturminne. Plankart og føresegner er nå justert, slik at faresoner som tek hensyn til dreneringsvegar med tilhøyrande føresegner er vist i plankartet. I tillegg er det lagt inn føresegner knytt til kulturminne, etter tilråding frå Innlandet fylkeskommune.
Det er ellers ikkje gjort endringar i kart og føresegner.
Plandokumenta er lagt ut på Arealplaner.no, under planbehandlinger og offentleg ettersyn.
Evt. merknader til planforslaget skal vere skriftleg og sendast til post@nord-fron.kommune.no, eller Nord-Fron kommune, Nedregate 50, 2640 Vinstra.
Frist for merknader er 8. mai, 2024.