Søk opp eigedomen din enten ved gnr og bnr, eller adresse. Alternativt kan du zoome direkte i kartet.

Utlipp frå Kommunekart

Klikk på “kartlag". 

Utklipp frå Kommunekart

Eit felt på høgre side i kartet vil dukke opp. 

Utklipp frå Kommunekart

Innanfor “Nord-Fron kartlag” kan du til dømes huke av på “eigedomar”, “bygg og godkjente tiltak”, samt “reguleringsplanar” eller “kommuneplan”. Dukkar det ikkje opp nokon reguleringsplan når du har huka av denne er det mest sannsynleg kommuneplanen som er gjeldande for din eigedom.

Ja, det kan du ved å aktivere/huke av kartlaget (sjå korleis du gjer det i spørsmålet ovanfor) og klikke på eigedomen din i kartet. Det kjem då opp ein svart markør i kartet. Til høgre vil det då dukke opp “kartlagsinfo for valgt punkt” og klikkar ein på “reguleringsplan” får ein fram nedtrekksfelt og link til “planregister”.  Denne tek deg til Arealplaner.no der du finn gjeldande føresegner for planen. Alternativt kan du gå direkte til Arealplaner her https://www.arealplaner.no/nord-fron3436/arealplaner/search 

Tilsvarande skjer dersom du har satt på kartlaget for kommuneplanen.

Utklipp frå Kommunekart

Du kan teikne enkle bygg direkte inn i kartet. Vi tilrår at dette berre vert gjort for mindre bygningar som skal byggemeldast, slik som dokkehus, uthus, enkel garasje osv. Ved frådelingar kan du bruke same funksjon som skildra nedanfor.

Klikk på “meny” oppe til venstre og klikk deretter på “teikn i kart”. Her har du fleire alternativ, men vi tilrår at du brukar polygon-funksjon og hukar av på “vis lengde og areal”. Innteikningar vil vere synlege ved utskrift av kart. Det vil truleg vere enklare å teikne dersom du har huka av kartlag slik som reguleringsplan eller kommuneplan. 

For å lage situasjonskart klikkar du på “meny”-knappen oppe til venstre. Klikk vidare på “skriv ut” og det vil kome eit markeringsfelt du kan justere og flytte slik du ønskjer. Til høgre på sida kan du skrive inn tittel, velje arkstorleik og målestokk. Klikk deretter “lag pdf” og fila kan lastast ned på PC-en din.

Dersom du synest til dømes reguleringsplan eller kommuneplanen gjer det vanskelegare å sjå tiltak på eigedomen kan du huke av desse aktive kartlaga ved å klikke på “kartlag” oppe til venstre og huke av dei laga. Merk at å legge til “bygg og godkjente tiltak” gjer bygningsmassen på eigedomen din tydelegare i kartet.