Du finn naboliste ved å nytte deg av kommunens e-torgløsning. Inne på e-torget kan du søke på din eigen eigedom og ei liste over produkter vil dukke opp. Huk av på “alle” for å sjå alle moglege tenester du kan finne på e-torget. Søker du på “nabovarsel” dukkar det opp to alternativ. Du vel det alternativet som passar deg best, og følger stega vidare. 

Eksempel på å finne nabovarsel

Dersom du ikkje vil nabovarsle via Altinn, som du kan gjere gjennom e-torget, kan du nytte deg av dei standardiserte skjema du finn på direktoratet for byggkvalitet sin heimeside. Der finn du informasjon om korleis du kan varsle ved personleg oppmøte, via SMS/epost eller rekommandert. Du kan nytte deg av fleire varslingsmetodar i same sak. Skjema finn du under "Nabovarsel for mindre byggeprosjekter (garasje, tilbygg, bod og bruksendring). 

Skal du varsle om byggetiltak må du legge ved situasjonskart og fasadeteikning av det du skal føre opp. Situasjonskartet må vise avstandar mot eigedomsgrensa, og fasadeteikningane må vere målsette og vise lengde, bredde, høgde, utvendig (BYA) og innvendig (BRA) areal. 

Ved søknad om frådeling er det tilstrekkeleg med eit situasjonskart med tydelig areal og omriss av tenkt frådelt område. 

Situasjonskart kan hentast ut herfrå. Der finn du gode tips om korleis du kan lage situasjonskart.

Situasjonskart kan hentast frå publikumskart. Der finn du gode tips om korleis du kan lage situasjonskart.

Dersom nabo har merknader til tiltaket skal merknaden kommenterast. Den skal ikkje sendast til nabo, men som eit vedlegg til kommunen i samband med innsending av sjølve søknaden. Kommentaren skal seie om du tek omsyn til merknaden eller ikkje, og kvifor. Dersom du har motteke merknad og du ikkje vedlegg kommentar blir søknaden rekna som mangelfull.