Nord-Fron kommune er i gang med prosjektet Sambruk og lokalisering, der vi skal finne den beste plasseringa for ny 1–10-skule, kulturhus og helsehus på Vinstra. Målet er ei framtidsretta løysing som gir god bruk av areal, styrkar sentrum og dekker behova til både barn, unge, vaksne og eldre – i dag og i framtida.
Som ein del av arbeidet inviterer vi no inn interessegrupper til eigne møte.
Kva er ei interessegruppe?
Ei interessegruppe er ei gruppe menneske som på ulikt vis blir påverka av samlokalisering av offentlege bygg, eller som sitt på erfaringar og kunnskap som er verdifull for prosjektet. Dette kan vere tilsette, brukargrupper, ungdom, kulturaktørar, organisasjonar, foreldre eller frivillige. Gjennom møta ønskjer vi å få fram perspektiv som kan bidra til eit betre beslutningsgrunnlag for politikarane.
Tid og stad for interessegruppemøta
Tilsette innan skule, helse og kultur er direkte inviterte til eit møte om sambruk og lokalisering.
📍Kommunestyresalen
Er du med i eit lag, ei foreining eller ei anna gruppering som nytter deg av dagens kulturtilbod? Eller er du ein kulturaktør? Eller kanskje interessert i å høyre meir om kva som meines med “kulturhus” på Vinstra? Då inviterer vi deg til å seie meininga di om framtidas bygg og møteplassar i kommunen.
📍Nord-Fron bibliotek
Meld deg på her
Ungdomsråd og elevråd ved ungdomsskulen og vidaregåande er direkte inviterte til å delta i arbeidet med å forme framtida til Vinstra sentrum. Her får de bidra med eigne tankar og ønskjer. Møtet blir halde i kommunestyresalen.
📍Kommunestyresalen
Vi inviterer representantar for brukarorganisasjonar, pårørandeorganisasjonar, FAU og andre med interesse for framtidas oppvekst- og helsetenester til eit eige interessegruppemøte. Her ønskjer vi innspel på kva behov og omsyn som er viktige å ta med i vurderinga av framtidige løysingar for helse og oppvekst i kommunen. Møtet blir halde i kommunestyresalen på kommunehuset.
📍Kommunestyresalen
Meld deg på
Kva skjer på eit interessegruppemøte?
Eit interessegruppemøte startar med ei kort innleiing om kvifor vi gjer dette arbeidet – kva utfordringar og behov som ligg til grunn for prosjektet Sambruk og lokalisering. Deretter jobbar vi saman med å utforske ulike perspektiv: korleis opplevast dette for ein brukar, ein pårørande, ein innbyggar – eller for kommunen som heilskap? Møtet inneheld òg ei praktisk oppgåve, der vi saman ser på ulike løysingar og plasseringar, og diskuterer kva som kan fungere best.
Publisert 08.04.2025 18.52
Sist endra 24.04.2025 15.09