Kven kan søkje?  

Arrangørar av større idretts- og kulturarrangement med forankring i Midt-Gudbrandsdalen, som har betydning for Nord-Fron kommune, kan søkje om støtte. Arrangementa skal rette seg mot deltakarar og publikum, også utanfor regionen.  

Arrangør må vere registrerte i Brønnøysundregisteret og ha eit organisasjonsnummer.  

Arrangement som allereie får støtte frå Midt-Gudbrandsdal interkommunale politiske råd, blir ikkje prioriterte i denne ordninga.  

Søknadsprosess og behandling av søknader  

• Søknad om støtte skal innehalde ei kortfatta beskriving av prosjektet, inkludert mål, potensiale og budsjett/finansiering.  
• Søknaden skal sendast gjennom kommunen sitt elektroniske søknadsskjema for ordninga, innan fristen 15. februar.  
•  Søknader som kjem etter søknadsfristen vil ikkje bli lagt fram til behandling.  
•  Administrasjonen vurderer søknadene og legg fram sak for formannskapet, som gjer endeleg vedtak om tildeling av tilskot.  
   
   

Utbetaling av tilskot  

Tilskot blir som hovudregel utbetalt etter at sluttrapport og rekneskap er levert. Rapportane skal dokumentere gjennomføring av tiltak i sett opp i søknaden.  
Rekneskap skal setjast opp i samsvar med oppsett budsjett i søknadsskjemaet.   
Ved større tilskot kan det krevjast revisorattestert rekneskap.  
 
Delutbetaling på inntil 85 % av innvilga tilskot kan skje etter søknad og dokumentert delrekneskap. Dei siste 15 % av tilskotet blir utbetalt etter innlevert sluttrekneskap.  

Kommunen skal krevje heile eller delar av tilskotet attende dersom arrangementet ikkje blir gjennomført, heile eller delar av tilskotet ikkje er brukt slik det er beskrive i søknaden, eller rekneskapen viser eit kontantoverskot.  

Synleggjering av kommunen  

Arrangement som mottek støtte, skal synleggjere Nord-Fron kommune ved å profilere kommunen i program, på nettsider og i sosiale mediekanalar.   
Kommunen sitt kommunevåpen og namn skal nyttast i marknadsføringa av arrangementet.  
 

Klage på vedtak  

Den/dei som er part i ei sak som etter forvaltningslova er definert som eit enkeltvedtak, har rett til å klage på vedtaket. Klage må setjast fram seinast tre veker etter at melding om vedtaket er teke imot.  

Kven kan søkje?  

Frivillige lag og organisasjonar som driv aktivitet i Nord-Fron kommune kan søkje om støtte.  Organisasjonane må vere registrerte i Brønnøysundregisteret og ha eit organisasjonsnummer.  

 Det blir ikkje gitt støtte til kommersielle aktørar eller enkeltpersonar.  
 

Søknadsprosess og behandling av søknader  

• Driftsstøtte blir fordelt ein gong i året, og fordelinga blir gjort administrativt.  
• Søknaden skal sendast gjennom kommunen sitt elektroniske søknadsskjema innan fristen 1. april.  
• Driftsstøtta blir sett saman av ein grunnsum for alle kvalifiserte organisasjonar, samt ein sum per medlem under 20 år og ein redusert sum per medlem over 20 år. Grunnsummen og satsane blir fastsette ut frå søknadsmengde og tilgjengelege midlar kvart år.  
• For å sikre at midlane går til aktivitet, ikkje oppbygging av eigenkapital, vil støtte bli avkorta for organisasjonar med høg eigenkapital.  
  • Det vil bli teke omsyn til avsette, øyremerka midlar dersom organisasjonen kan dokumentere at midlane er knytta til konkrete, realiserbare tiltak.  
• Nord-Fron idrettsråd kan koma med uttale til forslag til fordeling av støtte til idrettsorganisasjonar.  
• Administrativt vedtak blir lagt fram for formannskapet som referatsak.  
   
   

Klage på vedtak  

Den/dei som er part i ei sak som etter forvaltningslova er definert som eit enkeltvedtak, har rett til å klage på vedtaket. Klage må setjast fram seinast tre veker etter at melding om vedtaket er teke imot.  

Kven kan søkje?  

Enkeltpersonar, organisasjonar og kommersielle aktørar kan søkje om tilskot frå ordninga.   
Søkjaren må anten vere busett i Nord-Fron eller så skal tiltaket det blir søkt om tilskot til gjennomførast i/omhandle Nord-Fron kommune.   
 
Søkjaren kan ikkje ha motteke tilskot for same tiltak frå andre støtteordningar i Nord-Fron kommune.  

Søknadsprosess og behandling av søknader  

• Det er løpande søknadsfrist gjennom året, og tildeling av tilskot blir gjort administrativt.  
• Søknaden må innehalde ei prosjektbeskriving og eit budsjett som viser finansiering og andre inntektskjelder.   
  Administrativt vedtak blir lagt fram for formannskapet som referatsak.  
• Det er mogleg å søkje om underskotsgaranti i staden for direkte tilskot.  
• Tilskotsbeløpet vil variere ut frå søknadsmengde og tilgjengelege midlar.  
• Tiltak som mottek støtte, skal synleggjere Nord-Fron kommune ved å profilere kommunen i program, på nettsider og i sosiale mediekanalar.   
   

Klage på vedtak  

Den/dei som er part i ei sak som etter forvaltningslova er definert som eit enkeltvedtak, har rett til å klage på vedtaket. Klage må setjast fram seinast tre veker etter at melding om vedtaket er teke imot.   
 

Kven kan søkje?  

Kulturveernorganisasjonar og eigarar av privateigde kulturbygg/bygdahus i Nord-Fron kommune kan søkje om støtte.   
Organisasjonane må vere registrerte i Brønnøysundregisteret og ha eit organisasjonsnummer.  
 

Søknadsprosess og behandling av søknader:  

• Driftsstøtte blir fordelt ein gong i året, og fordelinga blir gjort administrativt.  
• Søknaden skal sendast inn gjennom kommunen sitt elektroniske søknadsskjema innan fristen 1. april. Søkjaren må dokumentere aktivitet siste år gjennom innlevering av årsmelding og rekneskap for førre år  
• For å sikre at midlane går til aktivitet, ikkje oppbygging av eigenkapital, vil støtte bli avkorta for organisasjonar med høg eigenkapital.  
  • Det vil bli teke omsyn til avsette, øyremerka midlar dersom organisasjonen kan dokumentere at midlane er knytta til konkrete, realiserbare tiltak.  
• Administrativt vedtak blir lagt fram for formannskapet som referatsak.  
   

Søknader blir vurderte ut frå aktivitetsnivået som går fram av årsmelding og rekneskap.   
 

Klage på vedtak  

Den/dei som er part i ei sak som etter forvaltningslova er definert som eit enkeltvedtak, har rett til å klage på vedtaket. Klage må setjast fram seinast tre veker etter at melding om vedtaket er teke imot.