Den som overtek ein landbrukseigedom må søkje konsesjon dersom eigedomen er utan bygningar, eller dersom eigedomen har eit samla areal på meir enn 100 dekar, eller eigedomen har meir enn 35 dekar fulldyrka og/eller overflatedyrka jord.
Formålet med konsesjonslova er å verna om produksjonsareala i landbruket, noko som blir gjort gjennom regulering og kontroll når fast eigedom blir kjøpt eller seld. Lova skal dessutan sikre eigar- og bruksforhold som er tenlege for samfunnet. Det må til dømes ta omsyn også til framtidige generasjonar, landbruksnæringa, behov for utbyggingsgrunn, miljø og busetting.
Det er eit politisk mål å ha busetjing i heile landet, noko som blant anna blir sikra gjennom buplikta. Plikta følgjer direkte av lova når den som har odel eller er i nær slekt med førre eigar, overtek ein eigedom med bustadhus og meir enn 35 dekar dyrka mark eller 500 dekar skog. Buplikt kan òg setjast som vilkår i ei konsesjonssak.
Driveplikt
Gjeldande reglar om driveplikt er fastsett i jordloven § 8. Driveplikta er retta mot eigar, og er ei personleg og varig plikt om at eigaren har eit ansvar for å forvalte arealressursane på ein god måte i tråd med føremålet i jordlova. Driveplikta kan bli oppfylt ved å drive arealet sjøl eller leiga det bort. Driveplikta gjeld for heile eigartida.
Utfyllande informasjon er å finna her : https://www.landbruksdirektoratet.no/nb/eiendom/driveplikt