Nydyrking er eit søknadspliktig tiltak. Ved søknad om nydyrking skal det nyttast eige søknadsskjema som skal leverast kommunen. Søknadskjema og informasjon er å finna på Landsbruksdirektoratet sine heimesider.

Landbrukskontoret har søknadsskjema på papir.

Landbruksfondet i Nord-Fron gjev støtte til nydyrking.

Dei føretaka som disponerer husdyrgjødsel frå mindre enn 5 gjødseldyreiningar( t.d. 5 mjølkekyr, 15 ungdyr av storfè, 8 ammekyr, 35 vinterfora sauer, 18 slaktegris), og har ei enkel driftsform, dvs. at gjødslingsbehovet varierer svært lite for dei einskilde skifta frå år til år, kan søkje kommunen om gjødslingsplan som kan vare inntil 5 år. I søknaden må det legges ved gjødslingsplan, jordanalysebevis og skiftekart.

Klikk her for å lese Forskrift om gjødslingsplanlegging

Søknadsskjema er å få på landbrukskontoret, eller du kan søkje elektronisk

Alle som vil kjøpe eller bruke plantevernmidlar i yrkesmessig samanheng må ha eit gyldig autorisasjonsbevis. Dette gjeld også den ansvarlege hos forhandlar av plantevernmiddel. Autorisasjonen gjeld for 10 år frå avlagt prøve. Ved fornying blir det stilt krav som ved fyrste gongs utsteding.

Det er Mattilsynet som har ansvar for ordninga med krav til autorisasjonsbevis. Oppgåva med å arrangere kurs og utsteding av autorisasjonsbevis er delegert til fylket og kommunen. Dei som kjøpar plantevernmidlar har eiget ansvar for å ha gyldig bevis samt å følge anna regelverk for bruk av plantevernmiddel.

For å få autorisasjonsbevis må ein gjennomføre autorisasjonskurs med avsluttande skrifteleg prøve. Etter bestått prøve må ein bli godkjent av landbruksavdelinga i kommunen om at ein er yrkesmessig berettiga for autorisasjon. Mattilsynets hovedkontor sender deretter ut autorisasjonsbeviset. Landbrukskontoret kan skrive ut midlertidig bevis.

For meir informasjon om kurs og eksamen, sjå Mattilsynet sine heimesider.