Kommunen har ansvar for at motorferdsel i utmark og vassdrag blir forvalta i samsvar med motorferdsellova og tilhøyrande planverk.

Dersom du skal gå på jakt, må du ha kunnskap om jaktbare artar, skytevåpen, fangstreiskap, human jakt og regelverk. Nye jegerar må derfor ta jegerprøva. Jegerprøva består av eit obligatorisk kurs og elektronisk eksamen.

Når du har bestått eksamen, blir du automatisk registrert i Jegerregisteret. Det gir deg rett til å utøve småviltjakt og fangst sjølvstendig, etter du er fylt 16 år. Du kan utøve sjølvstendig storviltjakt frå fylte 18 år.

Det obligatoriske kurset er på 30 timar, delt over ni obligatoriske samlingar. Det fins nettbasert læring for alle samlingane. Dette kan brukast som læreverk, eller til å repetere og førebu eksamen. Kursdeltakaren kan ha fråvære på inntil to samlingar, føresett at det blir levert dokumentasjon til instruktøren på bestått test frå e-læringa for denne samlinga. Det er berre tillete med fråvære frå samling 5-9, da samling 1-4 har obligatorisk oppmøte på kurs.

Du kan avlegge jegerprøveeksamen frå det året du fyller 14 år. Den som skal gå opp til eksamen må registrere seg og betale eit eksamensgebyr på kroner 360 som gjeld for eitt eksamensforsøk. Eksamen består av 50 spørsmål, og du må svare rett på minimum 40 spørsmål for å bestå eksamen.

For å ta eksamen treng du appen Jegerprøveksamen. Du skal laste ned appen og registrere deg når du startar jegerprøvekurset. Du brukar appen til å:
-    Registrere deg for jegerprøveeksamen.
-    Betale eksamensavgifta.
-    Gjennomføre sjølve eksamen.
-    Finne bevis på gjennomført kurs og diplom for bestått eksamen.

Når du registrerar deg for jegerprøveeksamen i appen, får du i tillegg oversikt over oppmøte på kurssamlingar og tilgang til ei eksempelprøve.
 

Norges Jeger-og fiskeforbund; Jegerprøva

Miljødirektoratet; Jakt i Norge

Miljødirektoratet; Jegerprøve - Kurs og eksamen

Test deg til jegerprøve

Jegere som skal jakte storvilt med rifle må i tillegg bestå skyteprøve for storviltjegere.

Jegerprøve på nett

Jegerprøve-eksamen

Har du spørsmål knytta til jegerprøva, kan du ta kontakt med kommunen, Fron jeger- og fiskerforening eller Kvam Jeger-og fiskeforening.

Hundelova sin intensjon er å leggje til rette for at hundar og menneske skal kunne opphalde seg i samfunnet saman, med minst mogleg konflikt.

Det er populært å ha hund, men det stiller visse krav til eigaren. Den som eig ein hund skal vise aktsemd for å unngå at hunden voldar skade på folk, dyr, eigedom eller ting og skal dessutan syte for at hundehaldet ikkje er til urimeleg ulempe for folk, miljø eller andre interesser.

Det er lovbestemt bandtvang for hund i tida fom. 1. april tom. 20. august. Reglane om bandtvang finn du her!

Nord-Fron kommune har utover lovbestemt bandtvang vedteke utvida bandtvang for hund. Utvida bandtvang gjeld fom. 21. august tom. 15. oktober i dei områda der husdyr har rett til å beite og faktisk beiter.  

Kommunen er det lokale forvaltningsorganet for vilt og skal arbeide for å fremje føremålet med viltlova og gi myndigheiter og organisasjonar, bedrifter og personar bistand, råd og vegleiing i saker om viltforvaltning.

Kommunen har hovudansvaret for den offentlege forvaltninga av elg, hjort og rådyr. I tillegg til å bidra til ivaretaking av bestanda og deira leveområde, har kommunen eit stort ansvar for offentlege interesser knytt til hjortevilt, til dømes opplevingsverdiar, biologisk mangfald og trafikkproblem.

Kommunen skal blant anna:

• Sikre berekraftige hjorteviltbestandar.
• Utarbeide kommunale mål for utviklinga av hjorteviltartane.
• Opne for jakt og fastsette minsteareal.
• Godkjenne vald, bestandsplanområde og bestandsplanar.
• Tildele fellingsløyve på elg, hjort og rådyr.
• Behandle søknadar om skadefelling av hjortevilt.
• Ivareta grunneigarane og brukarane sine rettar.
• Rådgjeving i saker som berører viltinteressene, samt belyse viltinteressene i arealsaker.

Viktige arbeidsoppgåver er:

• Oversikt over hjorteviltstammane med tanke på beitegrunnlag og skade på innmark og skog.
• Organisering av dagens hjorteviltvald i bestandsplanområde.
• Arbeide for ein god, felles forvaltningspolitikk innad i kommunen samstundes som ein samarbeider med nabokommunar. 
• Sikre viltomsyn i kommunal arealforvaltning.
• Organisere offentlege viltettersøk i samband med viltpåkjørslar, sjukt og skadd vilt.
• Arrangere jegerprøveeksamen. Obligatorisk jegerprøvekurs blir gjennomført av lokale jakt- og fiskeforeiningar.
• Kartlegge viktige leveområde og yngle-/hekkeområde for vilt.

I Nord-Fron kommune er det utval for miljø, landbruk og areal (MLA) som behandlar politiske saker innafor fagområdet. Kommunedirektøren behandlar delegerte saker og laupande forvaltningsoppgåver.

• Hjorteviltregisteret.no
• Jegerregisteret
• Miljødirektoratet
• Vilt- og utmarksforvaltning
• Mattilsynet - skrantesjuke

  • Informasjon til jegere om skrantesjuke

VED VILTULYKKE – RING 02800

VED EI VILTULYKKE

• Ta på refleksvest og sikre skadestaden. Sett ut varseltrekant omgåande.
• Ring politiet på 02800 – du vil bli sett over til lokalt fallviltmannskap.
• Ved personskade – gi førstehjelp og ring 113.
• Dersom du etter avtale med lokalt fallviltmannskap må reise frå skadestaden før dei kjem fram, merk staden kor dyret forlot vegen.
• Følg aldri etter skadd vilt på eige hand.

TA ANSVAR

• Du pliktar å varsle om påkjøring av dyr, sjølv om du trur dyret er uskadd.  
• Du risikerer avkorting på forsikringa og bonustap om ulykka ikkje blir rapportert og registrert.
• Manglande varsling kan føre til at saka blir meldt til politiet.
• Avliv aldri ein skadd elg, hjort eller rådyr på eige hand. Avgjering om avliving skal tas av politiet eller fallviltmannskap.
• Ta aldri med deg eit påkjørt og drepe vilt utan løyve.

DET ER VIKTIG Å VERE PÅ VAKT

• I grålysinga og skumringa er hjortevilt mest aktiv. Det er såleis viktig å vere ekstra på vakt om morgon og kveld.
• I mai-juni støyter elgkua bort eittårskalvane. Risikoen er stor for at kalvane kjem ut på vegen!
• På seinsommar og haust er det berplukkarar og jegerar i skogen, samt brunsttid for hjorteviltet. Da rører også viltet meir på seg.
• I snorike vintrar søkjer viltet gjerne til brøyta vegar.
• Det er ekstra stor fare for viltpåkjøringar i kalde periodar etter større snofall.
• Ser du at det er drege sno ut i vegbanen, kan dette tyde på at dyr har kryssa for ei kort tid sidan, og at fleire kan vere på tur.

TILPASS FARTEN

• Ta varselskilt for elg på alvor!
• Å halde fartsgrensa kan faktisk vere for høg fart.
• Treff du dyret med 10 km/t lågare fart, kan det redde liv.
• Senker du farten frå 80 til 70 km/t reduserer du risikoen for ulykke med 50%.
• Ha blikket retta mot vegbanen og sideterrenget. Dyra er vanskeleg å oppdage, du må aktivt sjå etter elg, hjort og rådyr.
• Du må vere merksam på at hjorteviltet sjeldan kjem åleine.
• Vis omsyn ved viltulykkesstaden og ivareta trefikksikkerheita til fallviltmannskapa.

FALLVILTMANNSKAP - NORD-FRON KOMMUNE

• Hans Bilben (Kvam), mob. 907 91 606
• Jan Ivar Svendstad (Kvam), mob. 900 86 488
• Jørn Bilben (Kvam) mob. 917 62 550
• Geir Bakkum (Vinstra) mob. 413 20 021
• Ove Blekastad (Skåbu), mob. 913 42 150
• Nils H. Hage (Skåbu), mob. 994 90 604

Forvaltningsplan for rovvilt i region 3-Oppland, samt rovviltforskrifta og anna overordna regelverk er styrande for rovviltforvaltninga. Sentrale aktørar er beitenæringa, kommunen, Statsforvalteren i Innlandet, Rovviltnemnda for region 3 -Oppland, Miljødirektoratet og Statens naturoppsyn.
 

Her kan du lese Forvaltningsplan for rovvilt region 3-Oppland. (PDF, 3 MB)

Kommunen har ansvaret for det kommunale skadefellingslaget, men har utover dette ingen myndigheit i rovviltforvaltninga. Når det gjeld bestandsregulering av rovviltartane har ein lisensjakt og kvotejakt som hovudverkemiddel, og utover dette skadefelling og ekstraordinære uttak / hiuttak.

Kommunane i Gudbrandsdalen har generelt felles problemstillingar og utfordringar når det gjeld rovviltforforvaltning, og det er oppretta tett samarbeid mellom fleire kommunar. Nord-Fron og Sør-Fron kommunar har etablert interkommunalt skadefellingslag.

Fronskommunane og Ringebu har vidare etablert interkommunal vakttelefon som er bemanna gjennom heile beitesesongen, og som blant anna syter for søknadar om skadefelling og sms-varsling. Dette er eit vesentleg bidrag i arbeidet for at berørte beitebrukarar skal få rask respons og nødvendig bistand.

Beitenæringa i Fronskommunane har sjølve etablert ei beredskapsgruppe - Beredskapsgruppa i Fron. Etableringa av beredskapsgruppa var eit pilotarbeid, og har vorte mal for tilsvarande etableringar i andre distrikt og regionar i ettertid.

Ved observasjon, eller sporteikn av rovvilt, kan du kontakte Statens Naturoppsyn:

Terje Stian Bjørke, mob. 901 06 384.

Christen Bårdsløkken, mob. 911 53 729.

Småvilt kan ein jakte med både hagle og rifle. Jakta kan utøvast av alle som har gyldig jegeravgift og løyve frå grunneigar.

Alle viltartar som ikkje er storvilt, blir rekna som småvilt. Alle jaktbare fuglar og artar som hare, bever, raudrev og mårdyra (unnateke jerv) reknast såleis som småvilt.

Det er berre ein mindre del av småviltartane det er lov å jakte på. For alle jaktbare artar er det fastsett jakttider. Aldersgrensa for å utøve småviltjakt utan tilsynsjeger er 16 år.

Miljødirektoratet; Jakttider 2022 - 2028

Miljødirektoratet; Småviltjakt

Informasjon/søknad om småviltjakt, sjå www.fjellstyrene.no , www.inatur.no, www.ksgrunn.no  og www.espedalenbygdealmenning.no

Aktuelle tilbydarar av småviltjakt i Nord-Fron kommune:

Kvikne-Skåbu grunneigarlag v/ Ola K. Aasmundstad, mobil 975 18 854

Kvam grunneigarlag v/ Odd Arne Myromslien, mobil 907 38 172

Sødorp sameige v/ Ola Skoe, mobil 970 90 090

Leinsida grunneigarlag v/ Ola Einar Krok, mobil 901 13 800

Ruste grunneigarlag v/ Signe Bryhn, mobil 414 42 885

Sorperoa jaktforening v/ Knut Kirknes, mobil 957 07 347

Statskog SF, mobil 975 11 080

Espedalen Bygdeallmenning v/ Ole Petter Kleiven, mobil 900 22 318

Fron Fjellstyre v/ Harald Bolstad, mobil 992 75 114

Viltfondet i Nord-Fron kommune er etablert med heimel i Forskrift av 15.5.2011 om kommunale og fylkeskommunale viltfond og fellingsavgifter for elg og hjort. Link til forskrift: https://lovdata.no/dokument/SF/forskrift/2011-05-15-537

Vedtekter for viltfondet I Nord-Fron kommune er vedteke av kommunestyret i sak 25/2021, 20.4.2021. Utval for miljø, landbruk og areal (MLA) skal tildele tilskott frå fondet annakvart år. Tilskott kan løyvast til vilttiltak i Nord-Fron kommune, eller tilsvarande tiltak som kjem viltet og viltforvaltninga i kommunen til gode.

Neste søknadsomgang er i 2023, med søknadsfrist 15. januar 2023.

Her finn du vedtekter for viltfondet i Nord-Fron kommune (PDF, 22 kB).

Kommunen sine oppgåver knytt til fiskeforvaltning er:

• Ivareta fiskeinteressene i all kommunal planlegging. Særleg aktuelt ved tiltak og inngrep i og langs Gudbrandsdalslågen og elva sine sidevassdrag.
• Sikre og betre gyte- og oppveksttilhøva i regulerte vassdrag. Fiskeinteressene er heilt sentrale ved revisjon av konsesjonsvilkår i Vinstravassdraget.
• Arbeide for å sikre ålmenta tilgang til fiske og meir samordna og betre utnytting av innlandsfiskeressursane.
• Introduserte artar, - fjerne og avgrense spreiing. Til dømes karuss på Kvamsfjellet og ørekyte i mange vatn og vassdrag.
• Gje fråsegn til endringar i opplegg for sal av fiskekort i statsallmenning og bygdeallmenning.

Fiskekort

I alt fem grunneigarlag/fiskeforeiningar, to statsallmenningar (Fron og Vulufjell) og Espedalen bygdeallmenning tilbyr sal av fiskekort. Sjå nettsida Inatur for kjøp av fiskekort.

Her er oversikt med nettsider og kontaktpersonar:

Fron JFF Fron JFF

Kvam JFF Kvam JFF (njff.no)

Sødorp Sameige v/ Ola Skoe mobil 97090090

Kvam Grunneigarlag, v/ Odd Arne Myromslien mobil 90738172

Vulufjell Fjellstyre Startside - Vulufjell Fjellstyre (vulufjell-fjellstyre.no)

Fron Fjellstyre Fron Fjellstyre - Startside (fron-fjellstyre.org)

Espedalen bygdeallmenning https://www.inatur.no/fiske/50ead720e4b0c3bc1ad7d6e6

https://espedalenbygdealmenning.no/

Kvikne-Skåbu Grunneigarlag Kvikne-Skåbu Grunneierlag – Flotte naturopplevelser (ksgrunn.no)

Ruste Grunneigarlag v/ Signe Bryhn mobil 41442885

Sorperoa Jaktforening, v/ Knut Kirknes mobil 95707347

Leinsida Grunneigarlag v/ Ola Einar Krok mobil 90113800

Statskog SF Jakt og fiske | Statskog

Lågen fiskeelv  Lågen Fiskeelv SA (laagen-fiskeelv.no)

Søre Kvam Fiskeforening http://www.skff.no/