Alle barnehagane i Nord-Fron kommune har samordna opptak.

Dersom du ønskjer å søkje om ny plass/endring av opphaldet (for både å auke og redusere barnehageplassen) eller ønskjer å søkje barnet over til ein anna barnehage, så gjer du dette ved å logge inn i Visma Flyt Barnehage sin føresettportal og klikker på «Søknad».

Det er berre dersom du ønskjer å seie opp heile plassen at du velger «Si opp plass».

Nord-Fron kommune tek ikkje imot søknad på papir. Men ta kontakt dersom du har behov for bistand til utfylling av elektronisk søknad.

Logg inn i Visma Flyt barnehage føresettportal her!

Det blir oppmoda om at du legg inn minst tre ulike barnehagar (lokasjonar) når du søkjer om ny plass.

OBS: Dersom den barnehagen du søkjer til ikkje kan tilby den storleiken på plass som du ønskjer, er det viktig at du når du søkjer, tek stilling til om du er interessert i andre plasstyper. Dette gjer du ved å markere i ruta utenfor Eg ønskjer også tilbod om andre plasstyper i valde barnehagar.

• Søknadsfrist 1. februar for barn som allereie har ein barnehageplass, men som ønskjer endring av opphaldet eller overflytting til ein anna barnehage.
• Søknadsfrist 1. mars for søknader om ny plass til hovudopptaket med oppstart 15. august
• Fortløpande opptak etter 1. mars for dei søknadene som gjeld for oppstart 15.august, så lenge det er kapasitet
• Søknadsfrist 1. september for søknader om ny plass til samordna opptak med oppstart 1. januar. Denne fristen gjeld og for søknader om ny plass med oppstart etter august og fram til 1. januar. Dersom det er ledig kapasitet i barnehagane utover hausten, så kan oppstart skje før 1. januar.
• Søknader som kjem inn etter 1. september vil ikkje bli behandla før etter all saksbehandling rundt samordna opptak med oppstart 1. januar er ferdig.

Fortløpande opptak etter 1. januar med oppstart fram til 15. mai, så lenge det er kapasitet.

Barn med nedsett funksjonsevne eller barn med vedtak etter Lov om barneverntjenester har rett på prioritet ved opptak. Vidare blir sosiale eller medisinske årsaker hos barnet/familien etter kriteria for opptak til barnehagen i Nord-Fron vektlagt.

Dersom søknaden er begrunna ut frå ein av desse kriteria, må dokumentasjon gjennom uttale frå relevant faginstans ettersendast pr post innan 3 virkedagar etter innsendt søknad. Relevant faginstans kan til dømes være lege, helsestasjon, barnevern eller flyktningkontoret.

NB! Ingen vedlegg kan lastast opp via det elektroniske søknadsskjema. Vedlegg må ettersendast pr post til Postmottak, Nord-Fron kommune, Nedregt. 50, 2640 Vinstra eller leverast på Servicetorget merka med «Vedlegg til barnehageopptak»  .

Det er berre søkjarar som søkjer om ny barnehageplass innan fristen 1. mars (med oppstart frå 15. august eller når barnet fyller eitt år etter reglane i barnehagelova §16), som har klagerett.

Etter forskrift om saksbehandlingsregler ved opptak i barnehage, er det klagerett dersom;

1. dei får avslag på søknad om barnehageplass
2. søkjarar som ikkje får tilbod om sitt første eller andre ønskje oppfylt

Med barnehageplass meines her barnehagelokasjon (ulike barnehagar). Det vil si at dersom det ved søknad blir lagt inn same barnehage på fleire av ønskja, så vil dette ved opptak bli sett på som eitt ønskje sidan same lokasjon (barnehage) er ført opp fleire gonger. På grunn av dette anbefaler kommunen at det ved søknad blir lagt inn minst tre ulike barnehagelokasjonar.

Har du kommunal barnehageplass lyt du sende oppsigelse dersom du:

• bytter til eller frå privat barnehage
• ikkje ønskjer barnehageplass lengre
• flytter frå Nord-Fron 
• oppseiingstida går fram av vedtektene pkt 11 (sjå https://www.nord-fron.kommune.no/_f/i8287afd1-10a3-456a-9a5b-cbf031ecc87d/vedtekter-for-kommunale-barnehagar-2021.pdf
• ved overgang til skule og ved overgang som følgje av samordna opptak skal du ikkje seie opp