Prisar og redusert betaling

Prisar barnehageplass

Alle priser er eks. mva. Betalingssatsar for barnehage er vedteke av kommunestyret. For barnehageplass skal det betalast for 11 månader i året.

Prisliste barnehage 2021
Barnehagetilbod -prisar 2021	Gradering av foreldrebetalinga	Opphald 1.1.2021	Kost 1.1.2021
5 dagar/v pr mnd	100 % av makspris	3 230	389
4 dagar/v pr mnd	90 % av makspris	2 907	350
3 dagar/v pr mnd	70 % av makspris	2 261	272
Kjøp av tilfeldige enkeltdagar		264	25

Redusert betaling

Søskenmoderasjon

Søskenmoderasjon blir gjeve med 30 % for barn nr. 2 og 50 % for barn nr. 3 og vidare.dersom søskena bor fast saman og går i barnehage i same kommune. Søskenmoderasjon gjeld uavhengig av om barna er i ulike eller i same barnehage ( private eller kommunale).

Denne moderasjonen blir gjeve automatisk, du treng ikkje søkje om dette. Det er ein føresetnad at det er same fakturamottakar som er registrert på barna.

Det er ikkje søskenmoderasjon ved tilfeldig kjøp av opphald i barnehagen, eller kostnader knytt til mat.

Søsken defineres som helsøsken og halvsøsken, stesøsken blir ikkje rekna søsken i denne samanhengen. Fosterbarn blir rekna som søsken.

Reduksjon ved låg inntekt

Etter søknad vil det bli gjeve reduksjon i foreldrebetalinga slik at betalinga per barn utgjer maksimalt seks prosent av husholdninga si samla inntekt, dersom:

maksimalgrensa for foreldrebetaling for eitt barnehageår utgjer meir enn seks prosent av husholdninga si inntekt det siste året eller,
det er ein varig nedgang i inntekta til hushaldninga i inneværende år som gjer at foreldrebetalinga for eitt barnehageår utgjer meir enn seks prosent av husholdninga si inntekt.

Frå 1. januar 2020 kan familiar med ei samla årsinntekt på under 574 750 kr søkje grunna låg inntekt.

Forskrift om foreldrebetaling i barnehage
Forskrift om foreldrebetaling i barnehage vart endra i mars 2020 og gir kommunane høve til å hente inntektsopplysningar frå Skatteetaten for å kunne fatte vedtak om moderasjon.

Her kan du lese Forskrift om foreldrebetaling i barnehager.

Gratis kjernetid

Etter søknad kan det for 2-, 3-, 4- og 5-åringar og barn med utsett skolestart, bli gjeve 20 timer gratis opphaldstid i barnehagen per veke.
Denne gratis kjernetida blir trekt ifrå uavhengig av størrelsen på barnehageplassen til barnet.

Denne retten gjeld frå oppstart av barnehageåret. Det betyr at det gjeld årskulla som har dei fire siste åra i barnehage, i tillegg til barn med utsatt skolestart.

Dette gjeld for hushaldningar med ei samla inntekt på under kr. 548.500 per år.

Frå 1. august 2020 blir inntekstgrensa auka til kr. 566.100

Korleis søke?

Digitalt søknadsskjema

Du søker via elektronisk søknadsskjema.

Søk om redusert pris for barnehageplass her

Søknadsfristar

For søknader som kjem inn før 1. august, gjeld kommunen sitt vedtak frå 1. august og ut barnehageåret.

For søknader som kjem etter 1. august gjeld vedtaket frå første heile månad etter søknadstidspunktet og ut barnehageåret.

Du får ikkje automatisk redusert pris frå barnehagen dersom du har låg inntekt.
Du lyt sjølv søkje om å få redusert foreldrebetaling for ein barnehageplass.
Vedtak gjeld eitt barnehageår om gongen, med unntak av eventuelle vedtak som blir gjort i løpet av barnehageåret.

Pris for mat er ikkje med i desse ordningane.

For å kunne vurdere søknad om redusert foreldrebetaling lyt barnet ha ein barnehageplass i dag, eller ha takka ja til ein framtidig plass.

Med hushaldning er det i forskrifta tenkt på ektefelle, registrerte partnarar og sambuarar.
Som sambuarar reknas to ugifte personar over 18 år som bur saman, og som har budd saman i eit ekteskapleg forhold i minst 12 av de siste 18 månadane, eller har felles barn.
Dersom søkjer er sambuar utan felles barn, må søkjer opplyse kommunen om dette.

Hushaldninga si inntekt

Er den samla personinntekta etter skatteloven kapittel 12 og skattepliktig kapitalinntekt, båe før skatt.
Dersom foreldra til barnet ikkje bur saman og barnet bor fast hos båe foreldra, er det inntekta til hushaldninga til den av foreldra som har same folkeregistrerte adresse som barnet som skal leggjast til grunn i vurderingane.
Dersom det blir endringar av medlemane i hushaldningen, plikter søkjer å opplyse om dette.
Dersom det er nedgang i inntekt frå siste skattemelding, må søkjer sende inn dokumentasjon på dette. Årsak til nedgang i inntekt kan vere mange og kan ha svært ulik karakter; bortfall ved død, samlivsbrot, tap av arbeidsinntekt mv.