Kvifor har fakturaen fleire linjer enn før?
Fakturaen for termin 1 2026 inneheld vassmålaroppgjer for 2025 (ei avrekning basert på faktisk vassforbruk). Dette fører til fleire gebyrlinjer enn vanleg.
I tillegg blei meirverdiavgiftapå vatn og avløp redusert frå 25 prosent til 15 prosent frå 1. juli 2025.
Forbruk før og etter denne datoen må førast med ulik mva-sats, og dette gir fleire linjer på fakturaen.
Kva betyr a-konto?
Når du har vassmålar, betaler du a-konto gjennom året.
A-konto betyr at du betaler eit førehandsbeløp basert på tidlegare eller venta forbruk.
- Du betaler a-konto gjennom året
- På slutten av året blir forbruket rekna ut på nytt
- Det du har betalt inn, blir trekt frå det faktiske forbruket
Årsavrekning av vassforbruk
I november les eigar av bustaden av vassmålaren.
I desember blir det gjort ei avrekningbasert på denne avlesinga.
- Har du brukt meir vatn enn du har betalt for, må du betale mellomlegget
- Har du brukt mindre, får du dette trekt frå
Døme på avrekning
I dømet i fakturaen er det betalt inn a-konto for:
- 66 kubikkmeter vatn
- 67 kubikkmeter vatn
Dette gir totalt 133 kubikkmeter betalt på førehand.
Linjene er delte fordi dei har ulik mva-sats (før og etter 1. juli 2025).
Det faktiske forbruket er 141 kubikkmeter.
Det betyr at forbruket er 8 kubikkmeter meir enn innbetalt a-konto, og desse må betalast i tillegg.
Kva meir står på fakturaen?
På fakturaen finn du òg:
- Kommunale avgifter for termin 1 2026
- Eigedomsskatt for termin 1 2026
Forfallsdato er 20. januar 2026.