Kommunen har ikkje sendt ut sms om avlesing enno. Sms-en kjem seinare i haust. Mange er kanskje ikkje på hytta då. Derfor er det lurt å lese av målaren no, og helst mot slutten av opphaldet. Då er målarstanden så nær oppgjeret som mogleg.

Slik les du av målaren

• Ikkje ta med nullar framfor tala.
• Ikkje ta med raude tal.
• Ikkje ta med tal etter komma.

Tips: Ta eit bilete av målaren med mobilen. Då har du både tala og målarnummeret.

Når sms-en kjem

Svar på sms-en med målarstanden du har notert. Du får ei stadfesting tilbake på sms. Får du ikkje stadfesting, er avlesinga ikkje registrert. Prøv då på nytt. Det er alltid den siste sms-en som gjeld.