Dei kommunale pumpestasjonane blir no starta opp att manuelt. Det vil derfor framleis ta noko tid før alle husstandar og hytter har vatn og avløp tilbake som normalt.

Det blir arbeidd med å få alle tenestene i normal drift så raskt som mogleg. Vi takkar for tolmodet.

Dette har skjedd

Straumbrotet oppstod rundt klokka 04.00 natt til i dag og råka mange husstandar og hytter på Kvamsfjellet. Feilen påverka også mobilnettet i området, i tillegg til delar av det kommunale vatn- og avløpsnettet. Vevig sette raskt i gang arbeid med å utbetre feilen, og straumen er no tilbake.