Alle husstandar i kommunen har no fått straumen tilbake, og vassforsyninga fungerer som normalt. Det var særleg i Kvam og på Kvamsfjellet at problema var størst, med både straumbrot og utfordringar med vatn og avløp.

Kommunen sitt driftspersonell har jobba gjennom heile gårsdagen for å rette feila og sikre at alle system er tilbake i normal drift. Vassverk og tilhøyrande anlegg er no på nett igjen, og det er ikkje meldt om nye avvik.

Vi takkar innbyggjarane for tolmod og forståing under arbeidet!