Vi har no behov for samarbeidspartnarar til eitt eller begge desse oppdraga:
Dagsturhytta med utvendig trapp
Morten Randen
1. Tilsyn og enkelt vedlikehald av Dagsturhytta
Oppdraget handlar om å ta vare på Dagsturhytta gjennom:
- jamleg tilsyn
- enkel rydding og reinhald
- melde frå til kommunen dersom det er behov for større tiltak
Arbeidet er ikkje krevjande, men viktig for at hytta skal vere triveleg og trygg å bruke for alle. Oppdraget gjeld heile året, og blir gjort i dialog med kommunen.
2. Rydding, merking og vedlikehald av pilegrimsleia
Terje Abrahamsen
Dette oppdraget gjeld pilegrimsleia frå Svan og nordover til kommunegrensa mot Sel, og er avgrensa til sommarsesongen (frå snøen går til snøen kjem), normalt frå mai til oktober.
Arbeidet omfattar:
- rydding langs leia
- kontroll og enkelt vedlikehald av merking
- melde frå til kommunen dersom det er behov for større tiltak
Økonomi og rammer
Dette er ikkje dugnad, men eit betalt oppdrag.
For begge oppdraga gjeld:
- kr 200 per time, avgrensa oppover til 25 timar per år
- i tillegg eit fast beløp på kr 4 000 per år til dekking av bruk av utstyr, drivstoff og administrasjon
- moglegheit for justeringar etter nærare avtale
Det er ønskeleg med éin foreining per oppdrag, men same foreining kan gjerne ta på seg begge.
Interesse og vidare prosess
Vi ønskjer ei tilbakemelding innan 1. mars. Deretter vil kommunen gjere ei vurdering basert på dei interessentane som melder seg.
Har de spørsmål, eller ønskjer de å melde interesse, ta kontakt på e-post med tenesteleiar for kultur og kommunikasjon, Erik Tøftestuen.
Klikk her for å sende e-post