Er det slik Vinstra sentrum kan bli?
Nord-Fron kommune står framfor ei stor og viktig oppgåve: Å sjå på samlokalisering av tre viktige offentlege tenester - ein ny 1–10 skule, helsehus og kulturtjenester. Dette skal gje innbyggjarane betre tilbod, meir aktivitet og eit levande sentrum.
Prosjektet «Sambruk og lokalisering 2025» har sett på desse investeringane samla for å sikre ei heilskapleg vurdering av framtidige behov.
Sambruk og lokalisering 2025 – forslag klart til politisk behandling
Nord-Fron kommune er i gang med eit omfattande arbeid for å sikre framtidsretta og berekraftige løysingar for offentlege bygg og tenester i Vinstra. Kommunen skal investere i ny 1–10-skule, nytt helsehus og nytt kulturhus. Målet er å samle viktige tenester nær sentrum, sikre god samhandling, redusere driftskostnader og utvikle eit meir levande og attraktivt kommunesenter.
Etter ei brei utgreiing med fagleg støtte frå RAM Arkitektur og medverknad frå innbyggjarar, tilsette, frivillige og organisasjonar, er det no foreslått ei samla løysing for plassering av dei tre bygga.
Foreslått plassering
Kommunedirektøren tilrår følgjande lokalisering:
- 1–10-skule med fleirbrukshall på Barhaug, med tomteutviding sør for dagens skulebygg.
- Kulturhus i tilknyting til Vinstrahallen og Vinstra park, med samlokalisering av bibliotek, kulturskule, ungdomsklubb, frivilligsentral og kino.
- Helsehus på vestsida av sentrum, ved Sundheimsvegen/Lågen, med plass til legekontor, helsestasjon, psykisk helse og andre helsetenester.
Denne løysinga meiner kommunedirektøren at legg til rette for kort avstand mellom tenestene, effektiv sambruk, sterkare fagmiljø og god tilgjengelegheit for innbyggjarane. I tillegg vil den styrkje Vinstra sentrum som bu- og arbeidsstad – i tråd med strategiane i Vinstra 2046 og kommuneplanens samfunnsdel.
Saka skal behandlas i følgjande utval og råd:
- Formannskapet
- Utval for helse og oppvekst
- Utval for miljø, landbruk og areal
- Ungdomsrådet
- Eldrerådet
- Råd for menneskje med nedsatt funksjonsevne
📅 Saka skal endeleg behandlas i kommunestyret 17. juni 2025.
Sjå sakspapira her!
Kvifor treng Nord-Fron kommune å investere i nye bygg?
Mange av bygga som huser dei offentlege tenestene i Nord-Fron er gamle og ikkje tilpassa framtidas behov. Skulane har vore gjennom fleire utgreiingar, og det er vedteke at ein ny 1–10 skule skal byggjast. Samstundes ser vi at dei eksisterande løysingane innan helse og kultur krev store oppgraderingar. Ved å sjå desse behova samla, kan vi utvikle framtidsretta bygg som gjev betre tenester, legg til rette for sambruk og sikrar eit levande sentrum.
Kva har skjedd så langt?
Vi oppmodar alle interesserte til å sjå gjennom dokumentbiblioteket for meir detaljert informasjon, og sjå sida “Kva prosjektet omfattar” for meir info om dei tre tenestene.
Ofte stilte spørsmål
Prosjektet er stort og omfattar mange fagfelt, noko som gjer at det oppstår mange spørsmål I feltet under håper vi å kunne svare ut ein del av spørsmålene de har.
Barhaug ligg i nærleiken av fleire noverande og framtidige offentlege tenester, som vidaregåande skule, idrettsanlegg, og dei planlagde plasseringane for kulturhus og helsehus. Dette gir mange fordelar for samhandling på tvers av sektorar. Det er også meir bustadreserver i området. I tillegg bur det litt fleire husstandar innan 0–4 kilometer frå Barhaug enn frå Sødorp. Eventuelle nye bustadar i tilknyting til Sødorp vil kunne krevje omdisponering av jordbruksareal. Kommunedirektøren meiner difor at Barhaug er best eigna til å møte framtidige behov og mål om eit klimanøytralt og attraktivt sentrum.
Investeringa er stor, men nødvendig. Kommunen har lagt inn 967 millionar i investeringsplanen for ny skule, helsehus og kulturhus. Etter momsrefusjon og spelemidlar blir lånebehovet om lag 592 millionar. Målet er å bruke pengar klokt for å få mest mogleg kvalitet og funksjon igjen – og sikre låg drift over tid. Investeringane skal støtte opp om eit moderne og berekraftig tenestetilbod for dei neste 50–100 åra.
Å samle funksjonar i og nær sentrum gir betre tilgjenge, lågare transportbehov og fleire møteplassar – i tråd med nasjonale føringar og strategien Vinstra 2046. Dette gjer det enklare for fleire å gå, sykle og bruke kollektivtransport. Særleg for eldre, ungdom og dei utan bil er dette viktig. Samtidig gjer det sentrum meir levande – noko som bidreg til eit attraktivt lokalsamfunn.
Trafikk og tryggleik er vurdert som ein viktig del av prosjektet. Det er gjennomført ei kartlegging av korleis trafikkvolumet vil bli dersom ein etablerer skule, helsehus og kulturhus på dei føreslåtte områda. RAM Arkitektur har vurdert trafikken og konkluderer med at løysingane er gjennomførbare med riktige tiltak. Det er skissert fleire løysingar for trafikkavvikling og tryggleik, og desse må det arbeidast vidare med. Ei ny gangbru over Lågen er foreslått for å binde saman aust og vest. Det skal leggjast til rette for trygge gang- og sykkelvegar, hente- og bringesoner og god kollektivtilgang.
Det er kommunestyret som har bestilt prosjektet, med bakgrunn i sak lagt fram frå kommunedirektøren.
Nei, men det er eit alternativ som no blir utgreidd. Kommunen jobbar med å finne den beste løysinga for plassering av ein ny 1–10 skule, kulturhus og helsehus. Det blir også vurdert om nokre av desse kan samlokaliserast for å utnytte areal betre og få meir sambruk av ressursar.
Nei, ingenting er bestemt enno. Dette er ein pågåande prosess der det blir henta inn kunnskap, vurdert alternativ og gjennomført medverknad. Prosessen skal halde fram til i sommar. Det blir arrangert møte og høyringar der innbyggjarane kan kome med innspel før ei avgjerd blir teken
Nei, det er ikkje snakk om å plassere eldre og skuleelevar i same gang eller rom. Dersom det blir ei samlokalisering, vil bygga bli tilpassa behova til brukarane, med separate inngangar og eigne område for kvar teneste
Eit kulturhus er ikkje berre ein plass for konsertar og teater, men også ein viktig møteplass for folk i alle aldrar. Det kan huse bibliotek, kino, kulturskule, frivilligsentral og andre aktivitetar som gir innbyggjarane eit breitt kulturtilbod.
Eksisterande skulebygg og andre offentlege bygg er vurderte, men dei oppfyller ikkje dagens krav til areal, universell utforming og energieffektivitet. Å pusse opp kan i nokre tilfelle bli dyrare enn å byggje nytt, spesielt når ein må tilpasse bygga til framtidige behov
Kommunen planlegg for etterbruk av bygg som ikkje lenger skal brukast. Det kan vere sal, riving eller bruk til nye formål som bustad, frivilligheit eller næring. Kommunedirektøren peiker på at etterbruk må vurderast konkret for kvart bygg, og vere ein del av heilskapen i prosjektet.
Ja, eit av hovudmåla med prosjektet er å styrkje Vinstra sentrum ved å sikre at offentlege bygg bidreg til eit levande sentrum. Lokaliseringa blir derfor vurdert opp mot korleis ho påverkar handel, arbeidsplassar og tilgjenge
Prosjektet vart sett i gang etter bestilling frå kommunestyret til kommunedirektøren 20. februar. (les heile saken i dokumentbiblioteket)
Prosjektet skal gje kommunestyret eit beslutningsgrunnlag til møte 17. juni 2025.