Det er mange lover og forskrifter som direkte eller indirekte omtalar kommunen sitt ansvar for å forebygge ulykker og drive folkehelse- og trafikksikkerheitsarbeid. Kommunen er mellom anna pålagt ert ansvar bl.a. som vegeigar, som barnehage- og skoleeigar, stor arbeidsgjevar og kjøp av transporttenester.

Trafikksikkerheitsplan for Nord-Fron kommune vart vedtatt av kommunestyret 9. oktober 2018.

Nord-Fron har ein nullvisjon som betyr at ingen skal bli drept eller hardt skadde i trafikken i kommunen. Trafikksikkerheitsplanen skal vere ein reidskap for å planlegge, samordne og gjennomføre arbeidet med trafikksikkerheit i Nord-Fron og innehalda prioriterte forebyggande og fysiske tiltak med lokal og tverrsektoriell oppslutning.

Her kan du lese Trafikksikkerheitsplan for Nord-Fron kommune 2018 - 2021 (PDF, 858 kB).

Vegetasjon som hindrar sikt kan føre til farlege situasjoner i trafikken. Folk som bur langs trafikkerte vegar må klyppe hekkar og busker på eigedommane sine – av omsyn til eigen og andres sikkerheit.

Høge, tette hekkar ved avkjørsler eller store greiner som heng ut i vegkryss gjer det svært uoversiktleg for både bilistar, syklistar og gåande. Dette er ei aukande utfordring i sommarmånadene.

Tilsvarande må både kommunen og Statens vegvesen «finne fram att» trafikkskilta sine langs vegane som i mange tilfelle har blitt tildekka av vegetasjon.