Utval for miljø, landbruk og areal har som arbeidsområde dei oppgåvene som kommunen har ansvaret for innafor plan- og byggesaker, miljøvern, landbruks- og utmarksforvaltning, medrekna vilt- og fiskeforvaltning og saker om motorferdsel i utmark. Utvalet er også kommuneplanutval.
Utvalet kan dessutan få andre saker til behandling som kommunestyret finn å legge fram for utvalet.
Utvalet kan elles ta opp og uttale seg om alle andre saker som utvalet finn grunn til, og som ikkje kommunestyret har avgrensa.
Utvalet har avgjerdsrett i saker etter Konsesjonslova som ikkje er delegert til administrasjonssjefen, jfr. kommunen sitt delegasjonsreglement. Formannskapet er ankeorgan for slike saker.
Utvalet har funksjon som styre for kommuneskogane jfr. Skogbrukslova § 35, 2.avsnitt.
Utvalet har 7 medlemer med varamedlemer.
Utval for miljø, landbruk og areal (MLA) 2023 - 2027