Før gjerde kan førast opp i samsvar med kommunens gjerdereglar, skal det sendast skriftleg varsel til kommunen. Kommunen skal ha tilsendt målsatt kart over gjerdets omfang/areal. Det skal tydeleg framgå av meldinga at gjerdets omfang er maks 300 m2 ekskludert eigedomens bebygde areal. Meldinga skal sendast til post@nord-fron.kommune.no
Kommunen varslar så aktuelle beitelag om oppføringa, med kopi til hytteeigar/tiltakshavar.
Her er gjerdereglane for hytteområder i Nord-Fron:
Maksimal arealgrense for inngjerda areal er 300 m2 pr tomt, eksklusiv bebygd areal.
Det er berre lov å føre opp samanhengande gjerde, og alle grinder skal slå utover for å hindre at beitedyr går seg fast.
Gjerdet skal førast opp på ein slik måte, og vere slik vedlikehalde, at det ikkje er farleg for folk eller husdyr. Gjerde skal vere minimum 1,10 meter høgt og så sterkt og tett at det held husdyr ute.
Det er ikkje lov med elektrisk gjerde, med unnatak for Avstjønna som har eigne reglar i reguleringsplan.
Gjerdet skal ikkje stenge sti eller råk for allmenn bruk.
I særlege tilfelle, når særlege forhold eller omsynet til beite, miljø eller allmenn ferdsel tilseier det, kan kommunen fråvike dei generelle retningslinene.
Publikumskartet kan vere eit nyttig hjelpemiddel ved teikning av gjerdet. Sjå tips via linken.