Kva tilbyr vi? 

Nord-Fron Frivilligsentral er eit bindeledd mellom dei som ønskjer å gjere ein frivillig innsats, frivillige organisasjonar, grupper, offentlege omsorgstenester, og dei som ønskjer å få oppgåver utført av frivillige. I tillegg er sentralen ein pådrivar og set i verk av ulike tiltak ut frå lokale behov. Den frivillige innsatsen skal vera eit tillegg til offentlegverksemd, og skal ikkje erstatta eksisterande tiltak.
I tillegg er Frivilligsentralen ein møteplass for fleire typar aktivitet. 

Dei frivillige utfører mellom anna tenester som:

• utkøyring av varm mat frå Sundheim 5 dagar i veka.
• følgje til lege, tannlege, sjukehus m.m.
• transport for bebuarar på Sundheim til diverse aktiviteter og tilbud.
• medhjelper på aktiviteter på Sundheim, som leseombud, stuevakt og middagshjelp.
   

Det er omlag 60 frivillige knytt til Nord-Fron Frivilligsentral.

Kvar veke foregår det faste aktiviteter i regi av Frivilligsentralen: 

• Måndagar: 
  • 14.00 – 16.00 Leksehjelp - Nord-Fron biblioteket
• Tysdagar: 
  • 11.00 - 14.00 Strikkekafé - Gammelbanken
• Onsdagar: 
  • 11.00 - 14.00 Dugurdstreff – Gammelbanken - annakvar veke
  • 12.00 – 14.00 Onsdagsmatinè – Vinstra Kino – fyste onsdag i månaden
  • 13.30 – 15.30 Språkkafè - Nord-Fron biblioteket
• Torsdagar
  • 11.30 - 13.30 Språk og Kulturutveksling – Gammelbanken
  • 12.00 - 14.00 Datahjelp - Nord-Fron biblioteket
     

For å delta på dei faste aktivitetane på Frivilligsentralen trengs det ikkje påmelding. Her er det berre å møte opp på satt tidspunkt.  
For deltaking på Språk og Kulturutveksling, kontakt Frivilligsentralen.

For deltaking på Datahjelp på Nord-Fron bibliotek kontakt biblioteket for påmelding, tlf. 61 21 62 20.
 

Ta kontakt dersom du har spørsmål. 

Kven kan få tilbodet?

Frivilligsentralen koordinerer frivilligtenester. Tildeling av kven som kan motta tenester blir gjort av følgjande:

• Utkøyring av varm mat frå Sundheim - her kan du lese meir om matombringing.
• følgje til lege, tannlege, sjukehus osb - kontakt din behandlar eller heimetenesta.
• transport til handling gjeld for bebuarar på Sundheim og omsorgsboligar

Utleige

Det er mogleg å leige både kjeller og hovudetasje på Gammelbanken. Les meir om dette under utleige av kulturbygg.