Leige av skolebygg i Nord-Fron

Anne Grete Bakkene

Nord-Fron kommune leiger ut forskjellige skolebygg. Ta kontakt direkte med skolen det gjeld for meir info.

Leigesatsar ved skolane for 2024
Bygg og leigeprisar 2024	Pris	Periode
Leige av auditoriet ved VUS	kr. 794	pr. gong
Leige av vanlege klasserom for lag og organisasjonar	kr. 165	pr. kveld
Leige av gymsal med garderobe for lag og organisasjonar	kr. 169	pr. kveld
Leige av svømmehallen i Skåbu for lag og organisasjonar	kr. 182	pr. time

Klikk her for å sjå retningsliner for fri leige av kommunale bygg

Det er fri leige for ordinære kultur- og idrettsaktivitetar for barn og ungdom i kommunale lokal i Nord-Fron.
Ordninga gjeld for barn og ungdom til og med 19 år.
Leigetakarane må vere lag/organisasjonar/grupper som høyrer til i Nord-Fron, og der hovuddelen av medlemmene er innbyggjarar i Nord-Fron. For leige til enkeltpersonar gjeld ordninga for innbyggjarar i Nord-Fron.
Lag/organisasjonar/grupper som driv aktivitetar der barn, ungdom og vaksne er med likt, skal ha fri leige dersom hovuddelen av deltakarane er barn og ungdom. Der hovuddelen av deltakarane er vaksne skal det vere full leige.
For symjehallane skal det vere fri leige for idrettslag som driv symjeaktivitetar for barn og ungdom. All anna leige skal det betalast vanleg leigesats for. For den offentlege badinga skal det betalast vanlege billettprisar.
Fri leige gjeld ikkje for turneringar, treningssamlingar, kurs, konsertar og liknande arrangement.
Ved stor etterspurnad etter leige etter denne ordninga, skal dei som driv typiske inneaktivitetar bli prioritert først.
Desse retningslinene gjeld ikkje for utleige til skolane i kommunen eller Vinstra Vidaregåande skule.
Administrasjonssjefen får fullmakt til å gjere eventuelle endringar.

Publisert 17.12.2020 14.47

Sist endra 26.01.2024 12.45

Tilbakemelding